|
وَأَقْسَمُواْ بِاللّهِ جَهْدَ أَيْمَانِهِمْ لَئِن جَاءتْهُمْ آيَةٌ لَّيُؤْمِنُنَّ بِهَا قُلْ إِنَّمَا الآيَاتُ عِندَ اللّهِ وَمَا يُشْعِرُكُمْ أَنَّهَا إِذَا جَاءتْ لاَ يُؤْمِنُونَ
– „Улар агар бирон оят — мўъжиза келса, албатта имон келтиришлари ҳақида жон-жаҳдлари билан Аллоҳ номига қасам ичдилар. Айтинг: «Оятлар фақат Аллоҳнинг ҳузуридадир». Қаердан билурсизлар (эҳтимол) оят келган вақтда ҳам имон келтирмаслар“. [6:109]
Аллоҳ Таоло оятни мана бундай якунлаяпти:
قَدْ بَيَّنَّا الآيَاتِ لِقَوْمٍ يُوقِنُونَ
(Биз аниқ ишонадиган қавм учун оятларни аниқ баён қилдик). Яъни, ишонч ҳосил қилиш, имон келтириш учун оят-аломатларни талаб қилаётганларга Аллоҳ уларнинг талабини баён қилиб бўлган. Бу Пайғамбар с.а.в.дан мўъжизалар талаб қилган Макка мушрикларига раддиядир. Негаки, Аллоҳ уларга агар улар ҳақиқатда ишонч ҳосил қилиш ва имонга келиш учун оят-аломатларни талаб қилаётган бўлсалар, талабларини баён қилиб бўлган. У кейинги оятда таъкидланаётган Пайғамбар с.а.в. олиб келган мўъжиза – Қуръондир.
8- Аллоҳ Таоло Ўз пайғамбарига у кишини Қуръон билан юборганини айтяпти. Унинг бир сурасини келтиришларини айтиб арабларни беллашувга чақирадиган, ҳаммани ожиз қолдирувчи мўъжиза бўлган Қуръон билан. Бу гапда уларнинг
لَوْلاَ يُكَلِّمُنَا اللّهُ أَوْ تَأْتِينَا آيَةٌ
(Аллоҳ бизга гапирса эди ёки бирор аломат келса эди), деган гапига раддия бор. Агар улар ҳақиқатда имон келтириш учун мўъжиза сўрашаётган бўлсалар, мана марҳамат, мана бу мўъжиза бўлган Қуръоннинг оятлари хусусида тадаббур қилсинлар. Ана шунда уларга бу Китобнинг инсон каломи эмас, Аллоҳнинг каломи экани аён бўлади. Агар уларнинг талаблари чин кўнгилдан бўлаётган бўлса, шунинг ўзи уларнинг имон келтиришларига кифоя қилади.
Кейин Аллоҳ Ўз пайғамбарига хабар бериб, у киши мўминлар учун Аллоҳнинг ризоси ва жаннат ҳақидаги суюнчли хабар бўлган, кофирлар учун эса Аллоҳнинг ғазаби ва дўзах ҳақидаги мудҳиш, фожеали хабар бўлган Қуръон билан юборилганлигини айтяпти. Шундан кейин ким кофир бўлса, Аллоҳ ва Унинг пайғамбарига ҳеч қандай зиён етказа олмаслигини, Пайғамбар с.а.в. унинг кофирлиги учун жавобгар бўлмаслигини, чунки пайғамбарнинг вазифаси фақат етказиб, огоҳлантириб қўйишдангина иборатлигини билдиряпти.
إِنَّا أَرْسَلْنَاكَ بِالْحَقِّ بَشِيراً وَنَذِيراً وَلاَ تُسْأَلُ عَنْ أَصْحَابِ الْجَحِيمِ
(Албатта Биз сизни ҳақ (дин) билан хушхабар элтгувчи ва огоҳлантирувчи қилиб юбордик. Дўзахилар хусусида сиз масҳул эмассиз).
202-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204